Kung sakali mang sumiklab ang giyera sa pagitan ng Amerika at China sa West Philippine Sea, kahit saang anggulo hinding-hindi mananalo ang China.
Bakit?
Sa mga larawang inyong nakita, makikita na rito ang 10 aircraft carriers ng Amerika. Bawat aircraft carrier ay may lulang mga fighters jets, mga highly-trained na mga mandirigma at kung anu-ano pang mga gamit panggiyera.
Ang Spratly Island ay malayo sa mainland ng China. Sa madaling sabi, saan ikakargada ng China ang kanilang mahigit sa 1 milyon sundalo papuntang Spratly? Mayroon silang aircraft carrier pero isa lang, at second hand pa. Kahit tumulong pa ang Russia, na mayroon ding isang aircraft carrier, hindi pa rin ito sapat. Magkukumahog ang dalawang bansa.
Papunta pa lang sila sa Spratly ay ubos na sila.
Kung gagamitin naman ng China ang kanilang dambuhalang nuclear missiles, wala ring silbi dahil may interceptor na ang Amerika. Hinaharang nito ang mga paparating na missiles.
At kung giyera sa dagat ang pag-uusapan, 'di hamak na mas magaling at bihasa na ang Amerika.
Naalala n'yo pa ba ang Battle of the Pacific? Dito nagkabakbakan ang mga Hapon at mga Kano.
Nasaksihan ng buong mundo kung paano pinabagsak ng mga Kano ang mga fighter jets ng mga Hapon at kung paano pinalubog ang kanilang mga warships, kasama na ang barkong pandigma nito na Yamato, na tinaguriang Biggest Warship in History noong World War II.
Ang nakakatakot nga lang, tayong mga ordinaryong mamamayan ang unang maaapektuhan kapag nagkagiyera.
Sakali kasing maghabulan ang mga fighter jet ng Amerika at China tiyak na makakarating ito sa Pilipinas dahil ilang kilometro lamang ang layo nito sa Spratly.
Siyempre naman, magkakaroon iyan ng putukan at bawat naghahabulang eroplano ay magpapakawala ng missiles. Okey lang kung sa Malakanyang tumama, e kung sa mga taong inosenteng katulad natin?
Maliban sa 10 aircraft carriers, mayroon pang mga barkong pandigma ang Amerika gaya ng destroyer at maraming-marami pang iba.
Alam ng China na matatalo sila ng Amerika sa giyera, kaya naman ay bigla silang lumambot ngayon. Gusto na nilang makipag-usap sa Pilipinas at talakayin kung anong dapat gawin sa West Philippine Sea para mapanatili ang kapayapaan.
Ayaw makipag-usap ng Pilipinas sa China dahil hindi lang naman ang bansa natin ang umaangkin sa Spratly kundi marami pang iba gaya ng Vietnam, Malaysia at Taiwan.
Kaya kung nag-aalala kayo na baka magkaroon ng giyera, ako na ang mismong magsasabi sa inyo na malabong mangyari ito.
Ngayon pa nga lang ay bahag na ang buntot ng China sa Amerika. Baka sapitin nila ang sinapit ng Japan noong World War II.
Alam ng buong mundo na maganda ang ekonomiya ngayon ng China at ito ang iniingatan ng nasabing bansa.
Kaya sa madaling sabi, inumin n'yo na ang kape ninyo dahil baka lumamig na.
chikka mona tayo habang umuulan pa..
)
