Tips on finding shorted or grounded components on cellphone hardware

[Eddie Sy]

Tips on finding shorted or grounded components on cellphone hardware

Hello share ko lang po ang mumunting idea ko kung papaano ang madaling paraan sa paghahanap ng isang shorted na pyesa ng isang telepono.

Paraan:

1. Gumamit po ng isang multi tester para sa paraang tinatawag na correct biasing, subukang ikabit ang positive probe (pulang kulay) ng multi tester sa positive terminal ng telepono ganun din ang negative probe (itim na kulay) ng multi tester sa negative terminal ng telepono. Kung itoy papalo na aabot hanggang sa sukdulan na aabot ng zero resistance, malamang ito ay shorted na board. Ngunit kung ito nama'y hindi aabot sa sukdulang hanggang zero resistance ito namay normal sa karamihang telepono.
2. Gamitin ulit ang isang multi tester para din sa isang reverse biasing, at ikabit ang positive probe (pulang kulay) sa negative terminal ng telepono ganun din ang negative probe (itim na kulay) sa positive terminal ng telepono. Kung ito'y papalo na aabot hanggang sa sukdulan na aabot ng zero resistance, malamang ito ay shorted pa rin na board. Kung ito ay papalo ng bahagya lamang pakanan ng multi tester at babalik unti unti hanggang sa pinanggalingan nito, malamang ito ay normal din sa karamihang telepono. Ngunit kung ito'y papalo at babalik ng bahagya lamang na hindi makakabalik sa kanyang pinanggalingan, malamang ito'y shorted na telepono.
3. Buksan ang telepono, ikabit parati ang negative probe ng multi tester sa positive terminal ng telepono at unahing tingnan ang mga malalaking non polar na mga capacitors (ibig sabihin magkabilaan walang tatak ng plus (+) sign o minus (-) ng pyesa) kadalasan ito ay kulay brown. Huwag kaagad itong tatanggalin sa board ng telepono upang maisave mo yong oras sa paghahanap ng isang sirang pyesa.ikakabit po ninyo sa mga malalaking capacitors na ito ang positive probe ng multi tester una sa isang dulo at pangalawa sa kabilang dulo. Tandaan, kapag ang positive probe na ito'y nakakabit sa alin mang dulo ng capacitor at papalo ang inyong multi tester hanggang sa sukdulan na aabot ng zero resistance, malamang ito ay primary line na dugtong ng positive terminal ng telepono, at dito kadalasan nagkakaroon ng short o sanhi na grounded ang isang telepono. Ngunit kung idudugtong ang positve probe sa isang dulo nito at magkakaroon ng magkahalintulad na palo sa isang ginawang reverse biasing na papalo lamang ng bahagya at hindi nakakabalik ang pointer ng multi tester sa dating pinanggalingan, ang capasitor na ito ay malamang isa sa mga capacitors na nagbibigay sanhi ng pakakaroon ng isang short. Ito ay maaari mo ng tanggalin. Tandaan mo kung saan mo ito tinanggal at ilapag sa isang lugar na abot mo at malayong masagi ng iyong mga kamay.
4. Gawing muli ang ginawang reverse bias. Kung wala pa ring pagbabago na makakabalik sa dati na palo ang pointer ng isang multi tester, malamang ang capacitor na hinugot mo sa board ay maaari ding hindi tama sa pagkakaroon ng sanhi ng short. Ngunit wag pa rin itong ibabalik kaagad sa pinanggalingan dahil nga baka isa din ito sa mga capacitors na nagkakaroon ng short. kung tangka nyo talagang ibabalik at hahanap kayo ng ibang shorted na component at nagkataong natumbok na sana ang short doon sa pangalawang shorted na capacitor at dahil nga sa dahilang ibinalik ang dating isa sa mga posibleng shorted na capacitor ay babalik na naman itong magmamarka na isang short dun sa reading ng multi tester. Sumubok ulit sa paghahanap ng ibang shorted na capacitor hanggang sa mawala na ang isang pagkakaroon ng short sa board ng telepono.
5. Kung hindi mo makikita sa mga capacitors ang short ng board at reklamo ng iyong costumer na madaling maubos ang laman ng baterya kahit ito ay mabuting baterya, subukang kabitan ng baterya na may katamtamang laman ang board ng telepono kahit ito ay shorted at kapain ang bandang umiinit na pyesa.

Kadalasan kasi sa mga shorted na mga capacitors ay yong mga konektado sa main na linya ng positive terminal ng board ng telepono.

Kasi kung bubunutin nating isa isa ang mga posibleng mga shorted na capacitors na ito ay maaari din naman pro mas mainam na yong paraang nabanggit na forward bias at reverse biasing sa paggamit ng tester upang makasave ng oras.

Dati rati sa experience po meron ding pagkakataon upang mas mapadali gamit ang schematic diagram na puputulin yong positve line ng telepono sa isang banda ng supply section upang maseparate ang isang shorted na section ng telepono. Kunyari sa dating board ng sinaunang 3310 binabahagi po ito ng ibat ibang supply section tulad ng signal (baseband) section, audio section, at power supply section. Malimit dun po yong short sa signal section kasi anduon po yong Power Amplifier (PA) ng telepono, kaya kadalasan unang step tinatanggal po namin yong inductor dun na nag dudugtong ng supply nito galing dun sa power supply na pyesa o CCONT.

Minsan din dun pa lang sa entrada ng unang pinakamalaking linya patungo sa main power supply ang kailangang putulin. Bakit dito nangyayari ang pagkakaroon ng short? pwede pong dahilan eh mas kaya ng ibang linya o ng ibang pyesa ang laking pwersa ng supply ng baterya kaya ang susunugin eh yong hindi kumakaya sa bigat ng supply ng baterya. Pag ito'y masusunog tatalsik ito sa ilalim ng board na maliliit na particles na magsasanhi ng short kaya kailangang puputulin.

Simple lang po ang component na hindi kumakaya sa isang load na ibibigay sa kanya sa isinasaad ng kanyang kakayahan ito po ay mapuputol o di kaya'y magkakaroon ng short.

kung meron po kayong maidagdag na idea o may mali sa sinasabi ko pakibigay alam po sa akin upang mabago po natin ang mga statements. Mas mabuti pong maishare din po ninyo ang inyong ibang kaalaman upang maidagdag po natin sa magandang impormasyon dun sa ibang wala pa.

marami pong salamat ulit.